நீங்கள் தேடியது "ரஷித் கான்"

இங்கிலாந்து மற்றும் வேல்ஸ் நாடுகளில் வருகிற 30-ந்தேதி 50 ஓவர் உலகக்கோப்பை கிரிக்கெட் தொடர் தொடங்குகிறது. ஜூலை 14-ந்தேதி வரை நடக்கும் இந்தத் தொடரில் 10 அணிகள் பலப்பரீட்சை நடத்துகின்றன. உலகக்கோப்பைக்கான தகுதிச்சுற்றில் சிறப்பாக விளையாடி ஆப்கானிஸ்தான் அணி இடம்பிடித்தது.

அந்த அணியின் முன்னணி சுழற்பந்து வீச்சாளராக ரஷித் கான் உள்ளார். ஐசிசி தரவரிசையில் டி20 கிரிக்கெட்டின் நம்பர் ஒன் பந்து வீச்சாளராக இருக்கும் ரஷிகத் கான், உலகக்கோப்பையில் விளையாடும் முன்னணி அணிகளுக்கு எங்களை சாதாரணமாக எடுத்துக் கொள்ளாதீர்கள் என்று எச்சரிக்கை விடுத்துள்ளார்.

உலகக்கோப்பை தொடரில் ஆப்கானிஸ்தான் அணி விளையாடுவது குறித்து ரஷித் கான் கூறுகையில் ‘‘நாங்கள் இந்த உலகக்கோப்பையில் சிறப்பாக விளையாடுவது அவசியமானது. உலகக்கோப்பையைில் சும்மா வந்து கலந்து கொண்டு பின்னர் சொந்த நாடு திரும்ப வேண்டும் என்பதை நாங்கள் விரும்பவில்லை. நாங்கள் ஒரு அணியாக சரியான திட்டமிடுதலுடன் இங்கிலாந்து செல்வோம்.



உலகக்கோப்பை தொடரில் விளையாடும் தலைசிறந்த வீரர்களுக்கு எதிராக விளையாடியதால், உலகக்கோப்பைக்கு தயாராக ஐபிஎல் மிகச்சிறந்த தொடராகும். தலைசிறந்த பயிற்சியாளர்கள் நம்மீது அக்கறை எடுத்துக் கொள்கிறார்கள். இது எனக்கு மிகப்பெரிய சந்தோசத்தை கொடுத்துள்ளது. மிகவும் சந்தோசமாக ஐதராபாத் அணியில் விளையாடுகிறேன். ஏராளமான நேர்மறையான விஷயங்களை கற்றுக் கொள்ள விரும்புகிறேன். அதை உலகக்கோப்பைக்கு எடுத்துச் செல்வேன்.

இந்திய வேகப்பந்து வீச்சாளர் பும்ரா பந்து வீச்சில் அசத்தி வருகிறார். அதேபோல் டி20 லீக் தொடரில் ஆப்கானிஸ்தான் சுழற்பந்து வீச்சாளர் ரஷித் கான் சிறந்த வீரராக திகழ்ந்து வருகிறார். வெஸ்ட் இண்டீஸில் பிறந்து, தற்போது இங்கிலாந்தில் வசித்து வரும் ஜாப்ரா ஆர்சர் தற்போது ஏராளமான டி20 லீக்கில் விளையாடி வருகிறார். டி20 லீக்கில் சிறந்த வேகப்பந்து வீச்சாளர் என்ற பெருமைக்குரிய வீரர்களில் ஒருவராக திகழ்கிறார்.

82 போட்டிகளில் ஓவருக்கு சராசரியாக 7 ரன்களுக்கு கீழ் கொடுத்து 105 விக்கெட்டுக்கள் வீழ்த்தியுள்ள ஜாப்ரா ஆர்சரிடம் டி20 கிரிக்கெட்டில் சிறந்த பந்து வீச்சாளர்கள் யார்? என்று கேள்வி கேட்கப்பட்டது.



இதற்கு ஜாப்ரா ஆர்சன் பதிலளிக்கையில் ‘‘டி20 கிரிக்கெட்டில் தலைசிறந்த பந்து வீச்சாளர் என்றால் முதலிடம் பும்ராவிற்குதான். 2-வது இடம் ஆப்கானிஸ்தானைச் சேர்ந்த ரஷித் கானுக்கு கொடுப்பேன். நான், பும்ரா, ரஷித் கான் ஆகியோர் டி20 கிரிக்கெட்டில் மிகச் சிறந்த பந்து வீச்சாளர்கள்.

பும்ரா அவரது பந்து வீச்சு ஸ்டைலில் யார்க்கர் வீசுவது சிறப்பானது. அவரது ஆக்சனில் ‘ஸ்லோ’ டெலிவரி மிகவும் முக்கியத்துவம் வாய்ந்தது. எல்லாவித பந்து வீச்சுக்கும் ஒரே மாதிரியான ஆக்சன்தான் இருக்கும். இதனால் ‘ஸ்லோ’ பந்து வீச்சை எதிர்கொள்வது மிகவும் கடினம்’’ என்றார்.

இந்திய அணியின் முன்னணி சுழற்பந்து வீச்சாளர் குல்தீப் யாதவ். நியூசிலாந்துக்கு எதிரான கடைசி டி20 கிரிக்கெட் போட்டியில் இரண்டு விக்கெட்டுக்கள் வீழ்த்தினார்.

இந்நிலையில் இன்று ஐசிசி கிரிக்கெட் தரவரிசையை வெளியிட்டது. இதில் குல்தீப் யாதவ் முதன்முறையாக 2-வது இடத்திற்கு முன்னேறியுள்ளார். ஆப்கானிஸ்தான் சுழற்பந்து வீச்சாளர் ரஷித் கான் தொடர்ந்து முதல் இடத்தில் நீடிக்கிறார்.

இந்தியாவிற்கு எதிரான டி20 தொடரை நியூசிலாந்து கைப்பற்ற முக்கிய நபர்களில் ஒருவரான மிட்செல் சான்ட்னெர் நான்கு இடங்கள் ஜம்ப் செய்து 10-வது இடத்திற்கு முன்னேறியுள்ளார்.

தென்ஆப்பிரிக்காவிற்கு எதிரான டி20 தொடரில் சிறப்பாக விளையாடிய பாகிஸ்தான் சுழற்பந்து வீச்சாளர் இமாத் வாசிம் நான்காவது இடத்தை பிடித்துள்ளார்.

பேட்ஸ்மேன் தரவரிசையில் பாகிஸ்தான் வீரர் பாபர் ஆசம் தொடர்ந்து முதல் இடத்தில் நீடிக்கிறார்.

ஆப்கானிஸ்தான் கிரிக்கெட் அணியின் புகழ்பெற்ற சுழற்பந்து வீச்சு ஆல்ரவுண்டரான ரஷித் கான் ஐக்கிய அரபு எமிரேட்ஸில் நடைபெற்று வரும் டி10 தொடரில் விளையாடி வருகிறார்.

நேற்று நடைபெற்ற ஆட்ம் ஒன்றில் ரஷித் கான் இடம்பிடித்துள்ள மராத்தா அரேபியன்ஸ் பாக்தூன்ஸ் அணியை எதிர்த்து விளையாடியது. மராத்தா அரேபியன்ஸ் முதலில் பேட்டிங் செய்தது. 9-வது ஓவரின் கடைசி பந்தை ரஷித் கான் ஹெலிகாப்டர் ஷாட் மூலம் அபாரமான வகையில் சிக்சருக்கு தூக்கினார்.

இந்த ஷாட் இந்திய வீரர் எம்எஸ் டோனி அடிக்கும் ஹெலிகாப்டர் ஷாட்டை அப்படியே பிரதி எடுத்ததுபோல் அமைந்தது. ரஷித் கான் அடித்த இந்த ஷாட்டை இந்திய அணியின் ஓய்வு பெற்ற முன்னாள் அதிரடி பேட்ஸ்மேன் சேவாக் உள்ளிட்ட வீரர்கள் ஆச்சர்யத்துடன் பார்த்து ரசித்தனர். மைதானத்தில் இருந்த மொத்த ரசிகர்களும் ரஷித் கானின் இந்த ஷாட்டை பார்த்து மெய்சிலிர்த்து போகினர்.



மராத்தா அரேபியன்ஸ் அணியின் கேப்டனாக இந்திய அணியின் முன்னாள் துவக்க ஆட்டக்காரர் சேவாக் விளையாடி வருகிறார். இந்தப்போட்டியில், முதலில் பேட் செய்த மராத்தா அரேபியன்ஸ் அணி நிர்ணையிக்கப்பட்ட 10 ஒவர்களில் 6 விக்கெட் இழப்புக்கு 125 ரன்கள் சேர்த்தது. பின்னர் இந்த இலக்கை துரத்திய பக்தூன்ஸ் அணி 4 பந்துகள் மீதம் வைத்து வெற்றி இலக்கை எட்டியது.

அனைவரது பாராட்டையும் பெற்ற ரஷித் கான், ஹெலிகாப்டர் ஷாட்டை கண்டுபிடித்தவர் எம்எஸ் டோனிதான் என்று டுவிட்டரில் பதிவிட்டுள்ளார்.

😍😍😍👍🏻🙏 #Helicopters#Inventer@msdhoni Bhai 👍🏻👍🏻👍🏻 @T10League@MarathaArabianspic.twitter.com/DH8RdfUnYA

— Rashid Khan (@rashidkhan_19) November 29, 2018

ஐசிசி ஒருநாள் கிரிக்கெட் தரவரிசையில் இந்திய அணி கேப்டன் விராட் கோலி 899 புள்ளிகளுடன் தொடர்ந்து முதலிடம் வகிக்கிறார். ரோகித் சர்மா 2-வது இடத்தில் உள்ளார். ஷிகர் தவான் 9-வது இடத்தில் இருந்து 8-வது இடத்திற்கு முன்னேறியுள்ளார்.



பந்து வீச்சாளர்கள் தரவரிசையில் பும்ரா 841 புள்ளிகளுடன் தொடர்ந்து முதல் இடம் வகிக்கிறார். குல்தீப் யாதவ் மூன்றாவது இடத்திலும், சாஹல் ஐந்தாவது இடத்திலும் உள்ளனர்.



ஆல்ரவுண்டர் தரவரிசையில் ரஷித் கான் 353 புள்ளிகளுடன் முதல் இடத்தில் உள்ளார்.

ஆசிய கோப்பை ஒருநாள் கிரிக்கெட் தொடர் துபாய் மற்றும் அபு தாபியில் நடைபெற்றது. இந்தியா இரண்டு லீக், மூன்று ‘சூப்பர் 4’ மற்றும் இறுதிப் போட்டி என 6 போட்டிகளில் விளையாடியது. இதில் இந்திய அணி கேப்டனாக செயல்பட்ட ரோகித் சர்மா 5 போட்டிகளில் விளையாடினார்.

ஐந்து இன்னிங்சில் ஒரு சதம் இரண்டு அரைசதத்துடன் 317 ரன்கள் குவித்தார். இதன்மூலம் ஐசிசி ஒருநாள் தரவரிசையில் 2-வது இடத்திற்கு முன்னேறியுள்ளார். விராட் கோலி முதல் இடத்தில் நீடிக்கிறார். 342 ரன்கள் குவித்து ஆட்ட நாயகன் விருது பெற்ற ஷிகர் தவான் நான்கு இடங்கள் முன்னேறி ஐந்தாவது இடத்தை பிடித்துள்ளார்.



பந்து வீச்சாளர்களில் பும்ரா முதல் இடத்தில் நீடிக்கிறார். குல்தீப் யாதவ் மூன்று இடங்கள் முன்னேறி 3-வது இடத்தை பிடித்துள்ளார். இதுதான் ஒருநாள் தரவரிசையில் இவரது சிறந்த தரவரிசையாகும்.

ஆப்கானிஸ்தான் சுழற்பந்து வீச்சாளர் ரஷித் கான் பந்து வீச்சாளர்களில் 2-வது இடத்தையும், ஆல்ரவுண்டர் தரவரிசையில் முதல் இடத்தையும் பிடித்துள்ளார்.

இந்தியா - ஆப்கானிஸ்தான் அணிகள் மோதிய ஆட்டம் துபாயில் நேற்று நடைபெற்றது. முதலில் பேட்டிங் செய்த ஆப்கானிஸ்தான் 8 விக்கெட் இழப்பிற்கு 252 ரன்கள் சேர்த்தது. பின்னர் இந்தியா பேட்டிங் செய்தது. தொடக்க ஜோடி அபாரமான ஆட்டத்தை வெளிப்படுத்திய பின்னர், மிடில் ஆர்டர் பேட்ஸ்மேன்கள் சொதப்பியதால் இந்தியா தோல்வியை நோக்கிச் சென்றது.

கடைசி ஓவரில் 7 ரன்கள் தேவைப்பட்டது. ஆனால் ரஷித் கான் 6 ரன்கள் மட்டுமே விட்டுக்கொடுத்தார். இதனால் போட்டி ‘டை’யில் முடிந்தது. கடைசி ஓவரை சந்தித்த ஜடேஜா முதல் பந்தில் ரன்ஏதும் அடிக்கவில்லை. 2-வது பந்தை பவுண்டரிக்கு தூக்கினார். இதனால் கடைசி நான்கு பந்தில் மூன்று ரன்கள் தேவைப்பட்டது. 3-வது பந்தில் ஜடேஜா ஒரு ரன்னும், 4-வது பந்தில் கலீல் அகமது ஒரு ரன்னும் எடுத்தனர்.

இதனால் ஸ்கோர் 252 என சமநிலைப் பெற்றது. கடைசி இரண்டு பந்தில் ஒரு ரன் தேவைப்பட்டது. ஐந்தாவது பந்தை ஜடேஜா சந்தித்தார். கைவசம் விக்கெட் இல்லாததால் ரசிகர்கள் பதற்றத்துடன் காணப்பட்டனர். ஜடேஜா ஒரு ரன் அடிப்பார் என்று எதிர்பார்க்கப்பட்ட நிலையில் கேட்ச் கொடுத்து ஆட்டம் இழந்தார். இதனால் போட்டி வெற்றி தோல்வியின்றி ‘டை’ ஆனது.



இந்நிலையில் ஜடேஜா அவுட் ஆனவுடன் மைதானத்தில் இருந்த ஒரு சீக்கிய சிறுவன் மிகவும் கவலையடைந்து அழுதான். இக்காட்சி தொலைக்காட்சியில் ஒளிபரப்பானது. இதையடுத்து அச்சிறுவனை நேரில் சந்தித்து ஆப்கானிஸ்தான் வீரர்களான ரஷித் கான் மற்றும்  முகமது ஷேசாத் ஆகியோர் அறுதல் கூறினார்கள்.

அப்புகைப்படங்கள் சமூக வலைத்தளங்களில் வெளியாகியுள்ளன. சிறுவனுக்கு ஆறுதல் கூறிய ஆப்கானிஸ்தான் வீரர்களுக்கு வாழ்த்துக்கள் குவிந்து வருகிறது.

ஆசிய கோப்பை கிரிக்கெட் போட்டியில் நேற்று முன்தினம் நடந்த ஆட்டத்தில் பாகிஸ்தான் - ஆப்கானிஸ்தான் அணிகள் மோதின. இந்தப் போட்டியில் நடத்தை விதிமுறைகளை மீறி செயல்பட்டதாக ஆப்கானிஸ்தான் கேப்டன் அஸ்கர், சுழற்பந்து வீரர் ரஷித் கான், பாகிஸ்தான் ஆல்ரவுண்டர் ஹசன் அலி ஆகியோருக்கு சர்வதேச கிரிக்கெட் கவுன்சில் (ஐ.சி.சி) அபராதம் விதித்துள்ளது.


ஹசன் அலி

பாகிஸ்தான் வீரர் ஆசிப் அலி ஆட்டம் இழந்து செல்லும்போது ரஷித் கான் அவரை நோக்கி சர்ச்சைக்குரிய வகையில் சைகை காண்பித்தார். ஆப்கானிஸ்தான் கேப்டன் அஸ்கர் பாகிஸ்தான் வீரர் ஹசன் அலியை வேண்டும் என்றே தோளோடு தோள் உரசி சென்றார். பாகிஸ்தான் வீரர் ஹசன் அலி ஆப்கானிஸ்தான் பேட்ஸ்மேன் ஹஸ்மத் துல்லாவை நோக்கி பந்தை எறிவது போன்று சைகை செய்தார்.


அஸ்கர்

இவை ஐசிசி நடத்தை விதிகளை மீறிய செயலாகும். இதைத் தொடர்ந்து அவர்களுக்கு ஆட்ட ஊதியத்தில் இருந்து 15 சதவீதம் அபராதமாக விதிக்கப்பட்டது.

ஆப்கானிஸ்தான் கிரிக்கெட் அணியின் இளம் வீரர் ரஷித் கான். லெக்பிரேக் கூக்லி முறையில் பந்து வீசும் இவர், தனது மாயாஜால பந்து வீச்சால் உலகளவில் புகழ்பெற்றார். 2017 ஐபிஎல் சீசனில் சன்ரைசர்ஸ் ஐதராபாத் அணிக்காக விளையாடினார். அப்போது சுமார் 4 கோடிக்கு மேல் ஏலம் போன இவர், 2018 சீசனில் 8 கோடி ரூபாய்க்கு மேல் ஏலம் போனார்.

Happy Birthday, @RashidKhan_19! May you have a very long and illustrious cricketing career. pic.twitter.com/4CGtIcb5kA

— Sachin Tendulkar (@sachin_rt) September 20, 2018

தற்போதைய நிலையில் உலகில நடக்கும் ஏராளமான டி20 லீக் தொடரில் விளையாடி வருகிறார். 1998-ம் ஆண்டு செப்டம்பர் மாதம் 20-ந்தேதி பிறந்த ரஷித் கான், 2015-ம் ஆண்டு அக்டோபர் மாதம் 18-ந்தேதி ஆப்கானிஸ்தான் சர்வதேச ஒருநாள் கிரிக்கெட் அணியில் அறிமுகமானார்.



17 வயதில் சர்வதேச கிரிக்கெட்டில் அடியெடுத்து வைத்த ரஷித் கானுக்கு இன்று பிறந்த நாள். அவர் 20 வயதை பூர்த்தி செய்து 21-வது வயதிற்குள் அடியெடுத்து வைக்கிறார். இதுவரை ஒரேயொரு டெஸ்ட், 48 ஒருநாள், 35 டி20 போட்டிகளில் விளையாடி (2, 110, 64) 176 விக்கெட்டுக்கள் வீழ்த்தியுள்ளார்.



இதன்மூலம் 20 வயதிற்குள் அதிக சர்வதேச விக்கெட்டுக்கள் வீழ்த்திய வீரர் என்ற பெருமையை பெற்றுள்ளார். பாகிஸ்தான் வீரர்களுக்கான வக்கார் யூனிஸ் 125 விக்கெட்டுக்களும், முகமது அமிர் 99 விக்கெட்டுக்களும், அக்யூப் ஜாவித் 98 விக்கெட்டுக்களும், சக்லைன் முஷ்டாக் 97 விக்கெட்டுக்களும் வீழ்த்தியுள்ளனர்.

ஆப்கானிஸ்தான் அணியின் தலைசிறந்த சுழற்பந்து வீச்சாளர் ரஷித் கான். டி20 கிரிக்கெட்டின் நட்சத்திர பந்து வீச்சாளரான இவர், ஒருநாள் கிரிக்கெட் போட்டியில் அதிவேகமாக 100 விக்கெட்டுக்கள் வீழ்த்திய வீரர் என்ற பெருமையை பெற்றுள்ளார்.

இந்த வருடம் இறுதியில் நடைபெறும் கரிபியன் பிரீமியர் லீக் தொடரிவில் விளையாட ஒப்பந்தம் செய்யப்பட்டிருந்தார். தற்போது கவுன்ட்டி கிரிக்கெட்டில் சசக்ஸ் அணிக்காக விளையாடி வருகிறார். கரிபிரியன் பிரீமியர் லீக் தொடருக்கு சென்றால் சசக்ஸ் அணிக்காக அவர் விளையாட முடியாது.



இந்நிலையில் கரிபியன் பிரீமியர் லீக் தொடரில் இருந்து விலகி, தொடர்ந்து சசக்ஸ் அணிக்காக விளையாட முடிவு செய்துள்ளார். இன்னும் ஏழு போட்டிகள் உள்ளன. ரஷித் கான் தொடர்ந்து விளையாட இருப்பதால் இங்கிலிஷ் கவுன்ட்டி டி20 பிளாஸ்ட் தொடரில் சசக்ஸ் நாக்அவுட் சுற்றுக்கு முன்னேற அதிக வாய்ப்புள்ளதாக கூறப்படுகிறது.

சர்வதேச அளவில் பல்வேறு டி20 கிரிக்கெட் தொடர் வெற்றிகரமாக நடைபெற்று வருகிறது. இதன் தொடர்ச்சியாக துபாயில் கடந்த ஆண்டு 10 ஓவர் லீக் தொடர் (டி20) நடைபெற்றது. இதில் நான்கு அணிகள் கலந்து கொண்டது. இந்த ஆண்டும் 10 ஓவர் லீக் தொடர் வருகிற டிசம்பர் மாதம் நடத்தப்பட இருக்கிறது.

இதில் கூடுதலாக இரண்டு அணிகள் சேர்க்கப்பட்டுள்ளன. மேலும் டி20 கிரிக்கெட்டின் தலைசிறந்த வீரர்களான ரஷித் கான், அந்த்ரே ரஸில் பங்கேற்கிறார்கள்.



ரஷித்கான் மாரத்தா அரேபியன்ஸ் அணியில் இணைந்துள்ளார். முஜீப் உர் ரஹ்மானை பெங்கால் டைகர்ஸ் அணி எடுத்துள்ளது. ஆப்கானிஸ்தானைச் சேர்ந்த முகமது ஷேசாத்தை புதிய அணியான கிறிஸ்டெனட் ராஜ்புத்ஸ் அணியும், அயர்லாந்தின் பால் ஸ்டிர்லிங்கை கேரளா கிங்ஸ் அணியும் ஏலம் எடுத்துள்ளது.

பஞ்சாபி லிஜெண்ட்ஸ் சோயிப் மாலிக்கை தக்கவைத்துள்ளது. ஷாகித் அப்ரிடியை பாக்த்டூன்ஸ் எடுத்துள்ளது. இங்கிலாந்து கேப்டன் மோர்கனை கேரளா கிங்ஸ் அணியும், வெஸ்ட் இண்டீசின் டேரன் சமியை நார்தன் வாரியர்ஸ் அணியும் எடுத்துள்ளது. ஷேன் வாட்சனை கராச்சியன்ஸ் அணி எடுத்துள்ளது. மற்ற வீரர்களுக்கான ஏலம் செப்டம்பர் மாதம் நடைபெறுகிறது.